LIVE : सुरू भयो बजेट भाषण

काठमाडौं उपत्यकाको गोदावरी तारकेश्वर नागार्जुन, चाँगुनारायण भक्तपुर नगरपालिकामा जग्गा विकास गरिने । काठमाडौंको उत्तरपूर्व क्षेत्रमा नयाँ नगर बनाउन बजेट विनियोजन गरिएको छ ।

५४ हजार ३९२ घरको फुस पराल र खरको छानालाई जस्तापाता वा स्थायी संरचनाले विस्थापित गरिने ।

भौतिक पूर्वाधार मन्त्रालयका लागि १ खर्ब ५० अर्ब ५३ करोड विनियोजन गरिएको छ ।

काठमाडौं उपत्यकाको ४४ वटा चोकमा स्मार्ट ट्राफिक लाइट जडान गरिने ।

‘प्रधानमन्त्री छोरी कार्यक्रम’को लागि १० करोड विनियोजन गरिएको छ । यस कार्यक्रम प्रदेश तथा स्थानीय तहको सहकार्यमा सञ्चालन गरिने छ भने कार्यक्रमले छोरीलाई रोजगारउन्मुख शिक्षा तथा उद्यमशील प्रवर्द्धन गर्ने उद्देश्य राखेको छ ।